Kamar yadda aka saba a kowacce lahadi da karfe 11 na dre zuwa 12, shirin ku mai farin jini na nishadin Aminci na tafe, domin gwangwajewa da aika sako zuwa ga masoya.

sai munji daga gareku.

Yau Alhamis 26/03/2020CE wanda yayi daidai da 01/08/1441AH.

Ga Cikakkun labaran:

Shugaba Buhari ya koma bakin aiki bayan zaman dar-dar din shigar Covid-19 Villa.

Ya zuwa yanzu jimillar masu dauke da kwayar cutar COVID-19 a Najeriya ya koma mutum 51 a jihohi 9.

Gwamnatin jihar Kaduna ta haramta amfani da a-daidaita-sahu da motocin taxi a jihar don kaucewa yaduwar cutar Coronavirus.

‘Yanbindiga sun kashe mutane 29 a jihar Neja.

Sakamakon gwajin Coronavirus da aka yi ma gwamnan Nassarawa ya nuna cewa ba ya dauke da cutar.

Coronavirus: Kamfanonin jiragen Air Peace da Dana sun dakatar da ayyukansu.

An yi garkuwa da dan uwam gwamnan Bauchi kwana daya da kamuwarsa da Coronavirus.

Dangote ya shawarci gwamnati ta kyale asibitoci masu zaman kansu gwajin citar Covid-19.

Coronavirus: Gwamnan jahar Ondo ya killace kansa bayan mu’amala da gwamnan Bauchi.

Gwamna Diri na jihar Bayelsa ya musanta cewa ya hadu da Abba Kyari ko Muhammed Atiku.

Kasar Amurka za ta binciki gwamnatin China game da sakaci kan Coronavirus.

Gwamnatin kasar Africa ta Kudu ta haramtawa masu gidajen haya karbar kudin haya na tsawon watanni 3 saboda Coronavirus.

Kungiyar kwallon kafa ta Real Madrid ta shiga neman dan wasan gaban Brussia Dortmund wato Erlin Braut Haaland.

Shahararren dan wasan Tenis wato Roger Federer da matarsa sun bayar da gudun mawar kudi masu yawa ga ‘yan kasar Switzerland saboda cutar Coronavirus.

Yau Laraba 11/03/2020CE – 16/07/1441AH.

Ga cikakken labaran:

Gwamna El-Rufa’i na jihar Kaduna ya nada Muhammadu Sunusi II a matsayin Chancellor na Jami’ar jihar Kaduna.

Rundunar ‘yansanda ta kama wasu kansilolin Zamfara da laifin garkuwa da mutane.

Gwamnatin Najeriya ta karbo kudin sata N3b daga hannun ‘Yan kwangila a Neja-Delta.

Shugaba Muhammadu Buhari ya ce bullar Coronavirus ya janyo kudaden shiga da Najeriya ke samu daga bangaren man fetur ya ragu.

Majalisar dattawa ta gabatar da kudurin da zai hana amfani da injin janareto a Najeriya.

‘Yan bindiga sun sace ‘yan bautar kasa guda hudu a jihar Katsina.

Daya daga cikin matan Sanusi II da yaranta 3 sun isa gidansa na garin Awe da rakiyan jami’an DSS.

Shugaban kamfanin NNPC, Mele Kyari ya ce a shirya shiga matsanancin hali a Najeriya.

Shugabar gwamnatin Jamus, Angela Merkel ta ce kashi 60 zuwa 70 na jama’ar kasar na iya kamuwa da cutar corona.

Shugaba Trump na Amurka ya karyata rahoton cewa ya kamu da cutar Coronavirus.

Wasu gungun mutane kusan 100 a Moscow suna zanga-zangar adawa da yunkurin sake tsayawa takarar Putin.

Fasaha ce hanyar magance yaduwar coronavirus
Nasan mai karatu zaiyi mamakin wannan furucin ‘Fasaha ce hanyar magance yaduwar coronavirus”. To amma ba abin mamaki bane duba da yadda al’amuran duniya suke sauyawa a kowanne lokaci ta hanyar amfani da kimiyya da fasaha.

Kusan a halin yanzu babu wani abu da ake tattaunawa kansa duniya baki daya da ya wuce cutar Coronavirus. Saboda cutace mai yaduwa ta hanyoyi da dama, wadda saboda irin illolin dake tattare da ita, kasancewar kafafen sadarwa musamman masu yada labarai har kullum su na bayyana irin ta’adin da wannan cuta take yi kasashen da suka kamu da ita.

Takai ta kawo a wasu kasashen an hana cudanya ga jama’a domin dakile yaduwar ta a tsakanin a’umma. Kuma a halin yanzu ana ta kokarin shawo kanta a duniya baki daya. Bazan cika ku da surutu akan irin illar wannan cuta ba saboda labarinta ya zamo ruwan dare. Zan mayar da hankali ne akan yadda ake amfani da fasaha domin gudanar da al’amuran rayuwa na yau da kullum ba tare da anyi cudanya ba a tsakanin jama’a wanda hakan shi ne matakin da kasashen duniya suka dauka a matsayin kariya musamman kasashen da akafi samun masu cutar.

Tuntuni fasaha ta samar da tsarin gudanar da aikin ofis daga gida (Work from home), ko karatu daga gida (Remote Learning har ma da siye da siyarwa daga gida ta shafin intanet. Haka zalika a halin yanzu wannan al’amari ya kara samun karbuwa, duba da yadda cudanya ko mu’amala ta zahiri tsakanin al’umma ya zamo barazana ga lafiyar su a duniya musamman a kashen da cutar ta fi yin illa.

Labarai sun bayyana cewa kasar Sa’udiya ma ta dauki matakin rufe manya da kananan makarantu, domin dakile yaduwar wannan cita a tsakanin. Haka ma kasashe da yawa sun dauki wannan tsari na rage cudanya tsakanin al’uamma domin asamr da kariya. To abin dubawa anan shine; Matakan tsaro ga na’urori da sadarwa tsakanin na’urorin domin haki da cutar na’urar kanta har ma da masu kutse.

Saboda kada ya zamo ana maganin kaba kuma kai yana kumbura. Wato kada ya zamo ana maganin yaduwar cutar coronavirus a tsakanin al’aumma, ba tare da an dauki kwararan matakan kariya ga na’urori da sadarwar su dangane da ta su cutar Virus da masu kutse ba. Dole ne a samar da matakan tsaro wajan yin karatu, aiki da sauran al’amura da ake iya gudanarwa ta hanayar fasahar sadarwa ta intanet.

Fasahar tsaro ta VPN a tsarin sadarwa tsakanin na’urori da intanet
mataki tsaro na VPN

Wannan dalili ya sanya aka kirkiro da tsarin amfani matakin tsaro ta sadarwa tsakanin na’urori da intanet (VPN). Wanda a halin yanzu shi ne tsarin da wadancan kasa she da suke amfani da fasaha wajan gudanar da aikace-aikacen yau da kullum. Saidai wani hanzari ba gudu ba, wannan hanya ko fasaha ta VPN tana da muhimmanci, kuma yanda kayu a fahimci yadda take, kamar haka;

Tana rage saurin intanet saboda yawan killace-killace dake cikin tsarin ta

Samarda wannan fasahar ta VPN ta kashin kai akwai tsadar gaske.
Kuma yana da kyau a sani cewa VPN ba intanet ba ne. Amma da matakin tsaro ne na sadarwa tsakanin na’urori da intanet.
Tanada saukin amfani ga kowa
Idan har ana amfani da intanet irin na kyauta kamar (Pulic Wi fi), ya zamo dole ayi amfani da VPN domin tsaro.
Insha Allahu zanyi cikakken rubutu nan gaba akan VPN domin a sami fahimtar tsarin sosai.

Kwankwaso Bashi da Hujja akan zargin Shugaban Kasa Muhammad Buhari shine ya bada Umarnin Cire Sarki Muhammad Sanusi II – Muhammad Garba

Kwamishinan Yada Labarai na Gwamnatin Kano Muhammad Garba, ya mayar da martani ga tsohon Gwamnan Kano Injiya Rabiu Musa Kwankwaso, kan zargin umarni Gwamna Ganduje ya karba daga Shugaban Kasa Muhammad Buhari don sauke Sarkin Kano Muhammad Sanusi daga sarkin kano.

Cikin wata tattaunawa ta musamman da wakilinmu Aliyu Sufyan Alhassan, Kwamishinan yace “Babu wata gamsasshiyar hujja da Kwankwaso zai gabatar da ke nuna Umarni aka karba don daukar matakin tsige Muhammad Sanusi II daga Sarkin Kano”. Inji Muhammad Garba

Dangane da Zargin tursasa rike Sarkin Kano da lauyoyinsa sukayi Kwamishinan yace ” Suna da damar da doka ta basu, amma kada su manta, tarihi ya nuna duk sarkin da yayi murabus, ko aka sauke shi, dole ne a killaceshi a wani waje, domin bashi tsaro na musamman”.

Gwamnatin Kano ta sauke Sarki Sanusi II, tare da maye gurbinsa da ‘Dan Marigayi Sarkin Kano Ado Bayero wato Aminu Ado Bayero a matsayin sabon ‘Sarkin Cikin Gari’.

Yau Litinin 10/02/2020CE wanda yayi daidai da 15/06/1441AH.

Ga cikakkun labaran

Majalisar wakilai ta hurowa Hafsun Sojoji wuta ta ce su yi murabus ko a tsige su ta dole.

‘Yansanda sun kama wadanda suka kai wa Sarkin Potiskum hari a hanyar Kaduna zuwa Zaria kwanakin baya.

Hukumar EFCC ta bankado cewa tsohon gwamnan jihar Abia, Theodore Orji duk wata sai ya saci Naira milyan 500 a lokacin yana mulki.

Sarkin Musulmi ya ce babu shakka Talakawa na cikin bala’i a Najeriya.

Rundunar ‘yansanda ta ce ta gano masu goyon bayan kungiyar ta’addancin na Al’ansaru.

Sojojin Amurka 2 da kuma daya na Afghanistan ne aka kashe a wani hari a gabashin kasar Afghanistan.

Coronavirus: ‘Yan Ingila biyar sun kamu da cutar a kasar Faransa.

An fara sufuri a filin tashi da saukar jiragen saman Libiya.

Npfl:MFM ta kawo karshen wasanni 13 da Kano Pillars tayi batare da tayi nasara ba, inda ta caskara Pillars daci 3 da 1.

Seria A: Inter Milan ta lashe AC Milan 4:2 awasan hamayya da suka fafata

LaLiga: Barcelona ta ci Real Betis 3:2 a wasan da suka buga jiya.

Ligue 1: PSG ta ci Lyon 4:2 a wasan da suka buga jiya.

Yau 04/02/2020CE wanda yayi daidai da 09/06/1441AH.

Ga cikakkun labaran:

Tsohon Shugaban kasa, Jonathan ya ce karfin sojoji ba zai samar da tsaro a Najeriya ba.

Shugaba Muhammadu Buhari ya gabatar da tsarin ba da bizar Najeriya na 2020.

Mutane 376,631 suka nemi guraben aiki na 220 a hukumar ICPC.

Matasan APC sun sha alwashin tona asirin ‘yan majalisan da ke neman hambarar da Buhari.

‘Yansanda sun yi nasarar kama manyan masu garkuwa da mutane su 4 a hanyar Abuja-Lokoja.

Rundunar ‘yansanda a jihar Kaduna ta bayar da umurnin a dawo da binciken jaka a kasuwanni da makarantu da wuraren bauta.

Jigo a jam’iyyar PDP wato Doyin Okupe, yana so a canza wa jam’iyyar suna saboda ta samu karbuwa.

Mafi karancin albashi: Kungiyar kwadago a jihar Neja ta umarci ma’aikatan gwamnati su fara yajin aikin dindindin tunda anki a fara biyansu adadin kudin da akace za a biya na 30000

Hukumar kwastam ta kama makudan kudade da suka kai kimanin $8m a filin jirgin sama na jahar Lagos.

An yi watsi da bukatar kwashe ‘yan Najeriya daga daga kasar China saboda cutar Coronavirus.

Iran ta yanke wa wani mutum hukuncin kisa saboda yi wa CIA aikin leken asiri.

Wata Kotu ta ba da izinin kama Jacob Zuma na Afirka ta Kudu.

Kotu ta samu Maryam Sanda da laifin ‘kashe mijinta’

Wata babbar kotu a Abuja ta samu Maryam Sanda da laifin ‘kashe mijinta’.

Sashin Hausa na BBC ya rawaito a yau Litinin ne dai kotun ta yanke hukunci a kan shari’ar Maryam Sanda, matar da ake zargi da kashe mijinta Bilyaminu Bello a 2017.

Da farko dai Maryam ta musanta zargin inda ta ce zamewa mijin nata ya yi inda ya fadi a kan kuttun shisha wanda ya yi ajalinsa.

An gurfanar da ita a gaban kotu tare da dan uwanta da mahaifiyarta da ‘yar aikinta da ake zargi da lalata shedun da ke nuna ta aikata laifin da ake zargin ta a kai.

Bayan sauraron bangarorin da ke shari’ar a ranar 25 ga watan Nuwamban 2019, alkali Yusuf Halilu ya sanya ranar 27 ga watan Janairun 2020 a matsayin ranar yanke hukunci.

Yau 22/05/1441AH wanda yayi daidai da 18/01/2020CE

Kiris yarage asha bikin wata baturiya datazo daga kasar Amurka da saurayin dazata aura dan asalin jahar Kano wanda suka hadu a dandalin sada zumunta.

Gawurtaccen mai garkuwa da mutane, Buju Bazamfare ya mika kansa ga hukuma a jihar Nasarawa.

Jagorar IPOB, Nnamdi Kanu zai shigo Najeriya jana’izar iyayensa wata mai zuwa.

Shugaban sojojin sama, AM Saddique ya ce an sayi jiragen yaki don kawar da Boko Haram.

Badakalar satar N200m: jami’an EFCC sun kama akawun majalisa, matarsa da yaransa 2 a jihar Benue.

Tanko Yakasai ya ce dole ne Inyamurai su hada kai da mutanen Arewa muddin suna son su mulki Najeriya.

Shugaban sojoji, Buratai ya amincewa sojoji amfani da sigari da sauran abubuwan more rayuwa a fagen fama.

Jam’iyyar PDP za ta shirya zanga-zanga kan hukuncin da kotun koli ta yanke na gwamnan jihar Imo.

Sudan ta kudu ta gaza kulla yarjejeniyar sulhu da ‘yan tawaye.

lsraila ta kame wasu ‘yan kasar Finlan su 5 a yayin da suke kan hanyarsu ta shiga Zirrin Gaza daga yankin Israila.

Indiya ta samu nasarar harba tauraron dan adam na GSAT-30 zuwa duniyar sama.

Masu horas wa sama da 50 ne suka nuna sha awarsu ta horas da kungiyoyin kwallon kafa na kasar nan kama daga ‘yan kasa da shekara 17 zuwa Super Eagles.

Harry Maguire ya zama sabon Kaftin din kungiyar Manchester United.

Babbar Jam’iyyar hamayya a Najeriya PDP ta ce ta yi mamakin hukuncin da kotun koli ta yanke kan zaben gwamnan jihar Imo

A ranar Talata ne kotun koli ta kwace kujerar gwamna daga Emeka Ihedioha na Jam’iyyar PDP ta baiwa Hope Uzodinma na jam’iyyar APC a matsayin wanda ya lashe zaben.

Sanarwar da kakakin jam’iyyar PDP Kola Ologbondiyan ya fitar bayan zartar da hukuncin ta ce, PDP ta kasa fahimtar dalilan da kotun koli ta yi dogaro da su na yanke hukuncin.

PDP ta kasa fahimtar yadda za a ce dan takarar da ya zo na hudu a zaben gwamna na 9 ga Maris da kuri’a 96,458 ace ya doke dan takarar PDP da ya samu yawan kuri’u 276,404

Sai dai kuma jam’iyyar APC ta bayyana farin cikinta da hukuncin Kotun kolin da ta bayyana dan takararta Hope Uzodinma a matsayin wanda ya lashe zaben gwamnan Imo.