Gwamnatin Jihar Yobe Ta Kafa Kwamitin Tattauna Batun Aiwatar Da Albashi Mafi Karanci

Matakin na zuwa ne a cikin wata takardar amincewa da kafa kwamitin wadda ta kunshi amincewar Gwamna Mai Mala Buni wajen nada wadanda zasu jagoranci kwamitin

Kamar yadda wasikar ta bayyana, kwamiti ya kunshi mutum goma a karkashin mukaddashin shugaban ma’aikatan jihar ta Yobe, Mohammed Nura hadi da sakatarorin din-din-din a sashen mulki da manyan ayyuka, da ma’aikatar kasafin kudi da tsare-tsaren tattalin arziki da sauransu.

Sauran mambobin kwamitin sun hada da shugaban kungiyar kwadago ta kasa (NLC) reshen jihar Yobe, tare da na shugaban hadaddiyar kungiyar shiga-tsakani ta ma’aikatan gwamnati.

Haka kuma, wannan matakin zai kwantar da hankalin ma’aikatan jihar bisa yadda suka dade suna jiran makamanciyar irin wannan rana, ganin an dauki dogon lokaci gwamnatin jihar ba ta ce uffan ba dangane da lamarin, ballantana kuma kungiyar ma’aikatan kwadago ta kasa reshen jihar Yobe.

Kotun Koli Ta Saka Ranar Yanke Hukuncin Zaben Gwamna A Kano.

 

Kotun Koli a tarayyar kasa ta bayyana ranar Litinin 20 ga watan Janairun 2020 zata yanke hukuncin karshe kan shari’ar da akeyi tsakanin Abdullahi Ganduje na Jam’iyyar APC da kuma Abba Kabir Yusuf na Jam’iyyar PDP da kuma Hukumar Zabe INEC.

Dan Takarar PDP, Abba Kabir Yusuf ne ke kalubalantar zaben da hukumar zabe ta ayyana Abdullahi Ganduje a matsayin wanda yayi nasara.

Kotun Kolin ta sanar da ranar da zata yanke hukuncin karshe, bayan lauyoyin bangarorin su tafka muhawara tsakani.

 

Karanta: KOTUN KOLI A NAJERIYA ZATA BAYYANA SAHIHANCI KUJERAR GANDUJE A RANAR LITININ

KOTUN KOLI TA DAGE ZAMANTA KAN SHARI’AR GWAMNONI

 

Kotun Koli ta Dage zamanta kan shari’ar Gwamnoni a Najeriya, zuwa ranar Talata 14 ga watan Janairu na 2020.

Wannan ya biyo bayan rashin lafiya da daya daga cikin mutane 7 masu gudanar shari’ar kamar yadda Alkalin Alkalai Justice Muhammad Tanko ya Bayyana.

Tun da farko dai a bayyana harabar kotun ta dinke da mutane, wanda hakan ya kawo tsaiko da gudanar da al’amura yadda ya kamata a zauren Kotun.

Cikin Jihohin da Dage yanke hukuncin ya shafa, akwai Kano, Sokoto, Benue, Pilato, da kuma Imo.

Mai horas da kungiyar kwallon kafa ta Real Madrid wato Zinedine Yazid Zidane yaci gaba da kafa tarihi a kungiyar kwallon kafa ta Real Madrid.

Yaci gaba da kafa tarihinne bayan kungiyar kwallon kafa ta Real Madrid ta lashe gasar Spanish Supercopa adaren Lahadi ahannun kungiyar kwallon kafa ta Athletico Madrid.

Inda wannan nasara da Real Madrid tayi ya nuna cewa Zidane ya jagoranci Real Madrid wasannin karshe guda 9 kuma dukkaninsu yayi nasara.

Hakan tasa ya kafa tarihi na lashe kofuna guda 10 a kungiyar kwallon kafan idan aka hada da kofin gasar Laliga daya lashe.

Gidan Rediyon Aminchi yasami tattaunawa da Zahrah Cr7 mai goyon bayan Real Madrid dake jahar Kano dangane da nasarar da Madrid ta samu inda tace “ai daman mu Madrid duniya ce, kuma jami’ar kwallon kafa, ina mai tabbatar da cewa duk kungiyar kwallon kafan datace zataja da Real Madrid wato Jami’ar Kwallon kafa to carry over ce akanta domin bama rasa wasan karshe kaga sunanmu gidan nasara”

namadobi

Sashin labarai na Amunci Radio muke gabatar muku da BITAR LABARAN MAKO.

Shiri ne da yake bitar manyan labarun da suka wakana ta cikin makon da muke bankwana da shi.

Hakazalika a shirin zai zo da tattaunawa tare da masanin al`amuran yau da kullum Dr. Kabiru Sufi, inda zaa tattauna akan makomar shugaban Amurka Donald Trump da kuma batun karin kudin wutar lantarki.

Karibullah Abdulhamid Namadobi da Jam`arsa na tafe ta cikin shirin da karfe 06:30 na yammacin kowacce lahadi.

 

Muna dakon sakonnin ku

Hukumar Yaki da Masu Yiwa Tattalin Arziki Kasa Ta’annati EFCC ta daskarar da asusun Banki na ajiya mallakar tsohon Sanatan Kaduna ta Tsakiya Shehu Sani.

Babban Mashawarci ga Sanata Shehu Sani, Malqm Sulaiman Ahmad ne ya tabbatarwa da Manema Labarai Lamarin a ranar Lahadi
A senior special adviser to Senator Shehu Sani, kuma Hukumar ta tursasawa Shehu Sani bayyana kadarorin da ya mallaka.

Malam Ahmad ya kalubalanci EFCC da nuna rashin kwarewar aiki, inda ya nuna mamakin yadda Hukumar ta yi watsi da kama Wanda ke zargin Shehu Sani, duk da ya bayyana kokarin bayar da cin hanci.

Tun a ranar 31 ga Watan Disambar bara Hukumar ke tuhumar Shehu Sani akan badakalar kudade tsakaninsa da wani Dan Kasuwa mai kamfanin ASD, wato Alhaji Sani Dauda, da kudi Dala $24,000.

Ayau za a fafata wasan karshe na gasar Super Cup tsakanin manyan kungiyoyin kwallon kafa guda biyu kuma wadanda suka fito daga birni daya wato birnin Madrid na kasar Andalos.

Wannan wasa za ayishi tsakanin kungiyar kwallon kafa ta Real Madrid da Athletico Madrid.

Inda za a fafata wannan wasa a kasar Saudiyya da misalin karfe 7:00 na dare agogon Najeriya.

Acikin shekaru 6 dai kungiyoyin kwallon kafan guda biyu sun fafata wasannin karshe sau 3 inda suka fafata guda biyu agasar zakarun nahiyar turai a 2014 da 2016 inda Real Madrid ta lashe Athletico Madrid aduk wasanni biyun.

Sai kuma a gasar Toyota inda Athletico Madrid ta lashe Real Madrid.

Shin ko yau waye zai zamo zakara?

Sashen wasanni na Aminchi Radio ya tattauna ya tattauna da Aliyu Safyan Alhasan wanda magoyin bayan Real Madrid ne dake jahar Kano kuma daya daga cikin ma’aikatan Aminchi Radio na sashen siyasa inda yace “mu Real Madrid duniya ne kuma ni naso ace Barcelona ne suka fito wasan karshen nan aga yadda zamu ragargazasu domin sai sunfi saukin cinyewa, amma duk da haka suma Athletico Madrid insha Allah zamu lashesu daci 2 da 1 domin wasan kariya zasuyi wato defending”

KOTUN KOLI A NAJERIYA ZATA BAYYANA SAHIHANCI KUJERAR GANDUJE A RANAR LITININ

 

Kotun Koli a tarayyar Najeriya zata yanke hukuncin karar da Dan Takarar Gwamna na Jam’iyyar PDP a Kano Engr. Abba Kabir Yusuf a Ranar Litinin, da yake kalubalantar sahihancin zaben da Hukumar Zabe mai Zaman Kanta INEC ta ayyana Abdullahi Umar Ganduje na jamiyyar APC a matsayin Wanda ya lashe zaben Gwamna a Kano na 2019.

 

Engr Abba Kabir Yusuf ne tun a farko ya garzaya Kotun Karbar Korafin Zabe, inda kuma Hajiya Halima Shamaki da ta jagoranci shari’ar ta tabbatar da sahihinacin zaben da akayiwa Ganduje.

 

Haka ma a Kotun Daukaka Kara Ganduje ya sake samun nasara akan Engr Abba Kabir Yusuf.

Yau Alhamis 9/01/2020CE – wanda yayi daidai da 13/05/1441AH.

Ga cikakkun labaran:

Rundunar sojoji sun kai wa ‘yan bindiga hari a sansaninsu da ke Jibia na jihar Katsina.

Fasto Mathew Kukah ya ce bambanci gwamnatin Buhari da Boko Haram shi ne tashin bam.

Gwamna ganduje ya kalubalanci dattijan Kano a kan kirkirar sabbin masarautu a gaban kotu. Ya ce ba za su rushe burin mutane miliyan 20 ba na jihar.

Tubabbun ‘yan bindigan Zamfara sun yi taro a daji don tattaunawa kan yarjejeniyar da suka yi da Gwamna Matawalle.

Jami’ar Bayero da ke Kano ta karrama wata Baturiya da ta kwashe shekaru 50 tana koyar da harshen Hausa.

Rikicin cikin gida: Jam’iyyar PDP ta dare gida biyu a jihar Kano.

Kotu ta sanar da ranar 27 ga watan Janairu don yanke hukunci kan sabbin masarautun Kano.

Mutum 12 sun mutu a wani hadarin motoci da ya afku a kauyen Tsaida da ke karamar hukumar Gaya a jahar Kano.

Shugaba Trump na Amurka ya ce babu sojar Amurka da aka kashe a harin da Iran ta kai Iraki.

Iran ta ce ba za ta mika wa Amurka bakin akwatin Jirgin Ukraine da ya yi hatsari ba.

Ajiya aka fafata wasannin mako na 13 na gasar ajin Premier ta kasar nan a filayen wasanni daban daban ciki harda wasan da Kano Pillars ta tashi kunnen doki.

Super Cup: Real Madrid ta ci Valencia 3:1 a wasan jiya.

Yau 22/12/2019CE – daidai da 23/04/1441AH.

Gwamna Ganduje na jihar Kano ya yi wa manyan sakatarorin gwamnatinsa canjin wuraren aiki.

Wani Sifetan ‘yan sanda, John Markus, ya kashe wani abokin aikinsa sannan daga baya ya kashe kansa a Abuja.

Gwamna Zulum na jihar Borno ya bayar da umurnin soma aikin koda kyauta a jihar.

Mabiya darikar Tijjaniya sun kai ziyarar nuna goyon bayansu ga Sarkin Bichi, Alhaji Aminu Ado Bayero.

Masu garkuwa da suka sace hakimi a Birnin Gwari sun bukaci a biya su Naira milyan 30.

An yanke wa wani malamin jami’an da ya yi batanci ga Annabi Muhammad SAW a shafinsa na sada zumunta hukuncin kisa a Pakistan.

Kasar Rasha ta yi wa Amurka raddi game da takunkumin tattalin arziki.

Mutane 18 ne suka rasa rayukansu sakamakon wata rigima da ta barke a wani gidan yari dake Honduras inda kuma wasu 16 suka jikkata.

Kungiyar kwallon kafa ta Liverpool tazamo zakara agasar zakarun nahiyoyi da aka kammala a jiya bayan sunsha dakyar ahannun kungiyar kwallon kafa ta Flamengo.

Dan wasan Gabon, Pierre-Emerick Aubameyang yana son barin Arsenal.