shafin google zai dakatar da tallan siyasa

Kamfanin Google ya sanar da kudirinsa na dakatar da duk wasu tallace-tallace da suka shafi yakin neman zaben siyasa.

Sabon tsarin zai hana masu talla yin amfani da siyasa da bayanan masu zabe wajen aike sakonsu ga wasu mutane da aka kebe.

A gaba kuma, masu zaben za su kasance an takaita su ga yin amfani da shekaru da jinsi da kuma wajen da mutum yake, yayin yanke hukunci kan wanda za su aike wa sakon.

Sabon tsarin zai fara ne a Burtaniya cikin mako guda gabanin babban zaben da za a gudanar ranar 20 ga watan Disamba, wanda daga bisani kuma za a fara amfani da tsarin a fadin duniya.

Google ya kara da cewa zai dauki mataki kan tallace-tallacen da ake tsara su domin yaudarar jama’a, inda suka raba gari da Facebook ta nan.

Mark Zuckerberg ya ce shafin sada zumuntarsa ba zai dinga bin diddigin tallace-tallacen ‘yan siyasa da na yakin neman zabe ba.

A hannu guda kuma, Twitter ya ce zai hana tallace-tallacen da suka shafi siyasa.

Source: Link

Kungiyar kwallon kafa ta Kano Pillars bazasu fafata wasansu na mako na biyu ba na gasar ajin Premier ta kasar nan.

Kano Pillars din dai zatai tattaki zuwa jahar Akwa Ibom ne domin buga wasa da kungiyar kwallon kafa ta Akwa Starlets.

Hukumar shirya gasar ta a jin Premier ta kasar nan ce ta bayyana hakan na cewa andage wannan wasa amma nan gaba za a sanar da ranar da za a fafata wannan wasa na mako na biyu.

Wasan makon farko dai da Kano Pillars din ta fafata da kungiyar kwallon kafa ta Rivers United antashi wasa babu ci wato kunnen doki kenan.

Hakama dai itama kungiyar kwallon kafa ta Akwa United an dage wasansu da Abia Warriors amma wannan wasan za a fafata shi a ranar Alhamis idan Allah ya kaimu.

Allah ya yi wa mai-dakin Firaministan Najeriya Sir Abubakar Tafawa Balewa rasuwa, matarsa da ta rage a duniya cikin matansa hudu.

Hajiya Jummai ta rasu ne a ranar Lahadi da yamma a birnin Lagos kudancin Najeriya, kamar yadda daya daga cikin ‘ya’yan Marigayi Firaminista Tafawa Balewa ya tabbatar wa BBC.

Umar Tafawa Balewa ya ce a ranar Litinin za a yi ma ta sallar jana’iza a masallacin fadar mai martaba Sarkin Bauchi.

“Babban hafsan sojin saman Najeriya ya bayar da jirgi da za a dauko gawarta daga Lagos a ranar Litinin,”

“Cikin matan mahaifinmu hudu ita kadai ce ta rage, kuma yanzu Allah ya dauki ranta.”

“Rasuwarta babban rashi ne domin mahaifiya ce, yanzu irinsu da suka rage sun kare,” in ji shi.

Hajiya Jummai ta rasu ne tana da shekara 90 a duniya.

A shekarar 2009 matan marigayi Sir Tafawa Balewa biyu suka rasu inda Hajiya Inne uwar gidansa ta rasu a watan Disamba, yayin da kuma Hajiya Umma ta rasu a watan Fabrariu.

Umar Tafawa Balewa ya ce Shekara 10 yanzu tsakaninsu da rasuwar Hajiya Jummai – “Hajiya Laraba matarsa ta uku ce ta fara rasuwa da dadewa.”

Alhaji Sir Abubakar Tafawa Balewa ne Firaministan Najeriya na farko bayan da kasar ta samu ‘yancin kai a 1960.

A ranar 15 ga watan Janairun shekarar 1966 aka yi juyin mulkin farko a Najeriya, lamarin da ya yi sanadiyar kisan Firaministan kasar Sir Abubakar Tafawa Balewa.

Tushen Labari

Akwai yiwuwar cewa matasan da ke kashe sama da awa uku a rana a kan shafukan sada zumunta ba za su yi bacci ba sai bayan karfe sha daya na dare kuma za su iya farkawa cikin daren, in ji wani bincike da aka gudanar a Birtaniya.

Wannan na shafar matashi daya cikin uku- inda matashi daya cikin biyar ke kashe sa’o’i biyar ko fiye a manhajoji kamar su Instagram da Whatsapp da Facebook kullum, a cewar binciken.

Masu bincike a jamai’ar Glasgow sun ce akwai yiwuwar cewa matasa ‘yan shekara 13 zuwa 15 na jan kafa wajen kwanciya bacci saboda suna amfani da wayoyinsu.

Likitocin lafiyar kwakwalwa sun ce a daina amfani da waya awa daya kafin a kwanta bacci.

Sai dai binciken da aka gudanar na matasa 12,000 ya gano cewa hana matasa amfani da waya zai iya zama babbar matsala saboda lokaci ne na cin gashin kansu, lokaci mai muhimmanci da suke zumunci da abokansu.

Binciken ya kara tabbatar da wani hasashe na cewa lokacin da matasa ke batawa a kan shafukan sada zumunta na rage lokutan da suke dauka suna bacci- kuma rashin bacci na tasiri a kan lafiyar kwakwalwa da kokarin makaranta.

Sa’o’i nawa matasa ke kashewa a shafukan sada zumunta?

Sa’o’i a rana Kashin matasa maza Kashin matasa mata Kashin duka matasa
Kasa da sa’a daya 43.8 22.8 33.7
Tsakanin sa’a daya da sa’o’i uku 32.1 31.1 31.6
Daga sa’a uku zuwa biyar 10.4 17.7 13.9
Sama da sa’a biyar 13.7 28.4 20.8

‘Kar a yi ba su’

Dakta Holly Scott ta bangaren ilimin halayyar dan Adam na Jami’ar Glasgow, ta ce binciken bai iya tabbatar da cewa yawan amfani da shafukan sada zumunta na jawo rashin isasshen bacci ba, amma da alama yana takara sosai da bacci.

“Matasa na iya kwanciya amma idonsu biyu saboda basu shirya yin baccin ba kuma suna fargabar cewa idan suka yi bacci suka fita daga shafukan za a yi ba su”

Dakta Max Davie ta Kwalejin lafiyar yara ta ce isasshen bacci mai inganci na da muhimmanci ga yara da matasa.

“Muna bayara da shawarar cewa matasa sun daina amfani da wayoyinsu a kalla awa daya kafin su kwanta bacci saboda kwakwalwarsu ta samu ta huta.

“Rashin bacci na da mummunan tasiri ga lafiyar matasa da dangantakarsu da sauran ‘yan uwansu da abokansu da kuma kokarinsu a makaranta.”

 

Tushen Labari

Ba kamfanonin waya ne kadai ke cinye muku data ba

Hukumar ta ce ba ko yaushe bane kamfanonin waya ke da laifin karar da data ba gaira ba dalili, idan masu amfani da intanet a waya suka ga data a wayarsu na saurin karewa.

NCC ta kirki layin 622 na kira kyauta don a kai koke a duk lokacin da wani kamfanin sadarwa ya zuke wa wani data ba kan ka’ida ba.

Shugaban Hukumar, Farfesa Umar Danbatta ya bayyana haka ne a wani rahoto da ya gabatar ga Ministan Sadarwa Dakta Isa Ali Pantami da kuma wasu jami’a na ma’aikatar.

Danbatta ya bayyana cewa habakar kimiyya ce ta janyo ake kirkirar manhajoji daban-daban, wadanda za a ga cewa wadannan manhajojin na cikin waya na sabunta kansu ba tare da ainahin mai wayar ya sani ba, sakamakon haka sai data ta yi ta tafiya ba tare da mutum ya sani ba.

Ya kuma bayyana cewa idan mutum na shiga shafukan sada zumunta, ana yawan tallace-tallace ta hanyar amfani da bidiyo, ya ce a wani lokacin bidiyon yakan fara ne ba tare da mutum ya sani ba, wanda hakan wata hanya ce da ke cinye data.

A taron tattaunawar, hukumar ta NCC ta ce za ta kara bita ko kuma waiwayar batun farashin siyan data da kuma ingancinta.

Sai dai Ministan Sadarwa Isa Pantami ya bayyana cewa hukumar NCC na aiki tukuru, amma su yi kokari wajen wayar da kan al’umma a kafafen yada labarai ta hanyar amfani da harsuna daban-daban domin jama’a su gane gaskiyar wannan lamari.

Tushen Labari

Adam a zango

Gobara ce da aka ce ta tashi a masana’antar shirya fina_finan Hausa wato Kannywood tsakanin wasu jarumai biyu da ludayinsu ke kan dawo wato Ali Nuhu da Adam A. Zango bayan cacar baka da sukeyi a shafukansu na sada zumunta.

A makon da ya gabatane dai Adam A. Zango ya fitar da wani hoton bidiyo mai kimanin tsahon mintuna 6 yana kalubalen cewar yafi duk wani bahaushe shahara a fadin kasar Hausa, batun da ya kawo CeCe kuce.

Wasu ma Na ganin kalaman nasa zagi ne a kasuwa bayan da a karo Na biyu Adam A Zango ya kara wallafa wani hoton bidiyo da wasu matasa su biyu suke zagi tare da aibatawa ba tare da sun kama suna ba, amma a Kasan sa Adam Zango ya rubuta babu Wanda ya isa ya zagi mahaifiyarsa ko ya ci mutumcinta ba tare da ya mayar da martani ba, Wanda daga karshe ya liqa sunan Ali Nuhu a nufin shine yake saka yaransa su ci mutuncin Adam Zango.

A daya bangaren kuma Ali Nuhu a shafinsa Na Instagram ya wallafa wani hotonsa yana murmushi ya rubuta ‘Anzo Wajen’, ko da dai bai dauki lokaci ba ya cire hoton.

Adam A Zango dai an San tauraruwarsa ta haska ne dalilin wasu Finafinai da akayi ittifaqin Ali Nuhu ne ya shirya su, amma kuma daga baya Adam Zango ya juya masa baya.

Magoya bayan Ali Nuhu sun dauki matakin tallata kin kallon fina-finan Adam A Zango a qaurace musu don nuna rashin yarda da kalaman batanci da Adam Zango ke yiwa Ali Nuhu.

A yanzu haka a shafin tweeter anyi amfani da #Tag na #BoycottAdamZangofilm, ma’ana a kaurace kallon finafinan Adam Zango don hankalinsa ya dawo jikinsa, tun kafin lokaci ya kure masa.

Usman Solo wani mai sharhine a masana’antar ya wallafa a shafinsa na tweeter cewar  ‘Ali Nuhu shiya dinkawa KANNYWOOD rigar mutunci a idon duniya ya sanya mata, karya ne wani ya tsallako garin Kano yana cimishi mutunci muna kallo… wlh baza mubari ba’

Sannan akwai ra’ayin Bello King Khan da shima ya wallafa a shafinsa na tweeter cewar ‘Akan zagin Ali Nuhu idan Kannywood bata dau mataki ba wlh sai masanaantar tayi danasani, don sai tashafi kowa wallahi.

A yanzu dai maganar kauracewa kallon finafinan Adam Zango shine Wanda ludayinsa me kan dawo wato trending a shafin tweeter a mataki na 6.

Hukumar zabe ta kasa

Hukumar Zabe ta Kasa ta ayyana ranar laraba 3 ga watan Afrilu zata baiwa Gwamnan Kano Dr Abdullahi Umar Ganduje Shaidar dake nuna an zabe shi matsayin Gwamnan Kano a karo na biyu.

Gwamna Ganduje wanda ya sami tazarar kuri’u tsakaninsa da ‘Dan Takarar Jam’iyyar PDP Injiniya Abba Kabir Yusuf bayan zaben da tun a farko aka ayyana bai kammalu ba, yanzu haka dai a wata takarda da hukumar zabe mai zaman kanta ta kasa INEC ta mikawa jam’iyyar APC reshen jihar Kano, tace ta gamsu da zaben da akayiwa Ganduje a ranar 23 ga watan maris din da ya gabata.

Sai dai kuma Jam’iyyar PDP tace zaben cike gurbin da akayi a wasu kananan hukumomi musamman karamar hukumar Nassarawa a Mazabar Gama, an samu rigingimu da kuma zargin hada kai wajen hana magoya bayan PDP kada kuri’unsu, a don haka ma ta yanke hukuncin kalubalantar zaben a gaban kotun da aka tanada don karbar korafe korafen zabe.

A ranar Laraba ne dai za’ayi bikin mika shaidar ga Gwamna Ganduje da kuma Mambobin Majalisar dokoki na jihar Kano da aka zaba.

Kamfanin dillancin labarai na AFP ya ruwaito cewa an kashe wata ‘yar Najeriya a Saudiyya bayan kama ta da laifin safarar miyagun kwayoyi.

An kashe matar ne tare da wasu maza biyu ‘yan Pakistan da wani guda daya dan Yemen a Makka, birni mafi tsarki a kasar ranar Litinin.

A shekarar nan kawai an kashe mutane 53, a cewar AFP.

Saudiyya dai ta tirje duk da matsin lambar da take fuskanta daga kungiyoyin kare hakkin dan Adam, na ta kawar da hukuncin kisa.

Kasar ta sha yankewa mutane da dama hukuncin kisa, ciki har da masu fafutukar kare hakkin dan Adam da ‘yan ta’adda.

A bara ne ma kasar ta yi yunkurin yanke wa wata mai fafutukar kare hakkin mata Israa al-Ghomgham wacce aka yi amannar cewa ita ce ‘yar kasar Saudiyya ta farko da take fuskantar hukuncin kisa saboda ayyukanta na kare hakkin mata.

aminci radio

Al`amarin dai ya faru ne a kauyen Urami dake karamar Hukumar Bakori ta Jihar katsina, Bayanda marigayi Ango Aminu aka daura Auransa da sahibarsa watanni tara da suka gabata.

Tun da farko dai sai da wata yar`uwar babar sa ta nuna tirjyarta akan wannan aure inda tace nata dan daban ne zai auri wannan matashiya ba wai shi Aminu ba, lamarin da mahaifin Amaryar ya nuna rashin Amuncewa akan haka, saboda acewar mahaifin Aminu marigayi shine ya fara nuna yana san yar tasa, dan haka ba zai yi magana Biyu ba.

Daga nan ne dai wancan lamari da alama bai yiwa ita yaruwar Ango mai rasuwa  dadi ba, inda tace tunda aka hana danta Auren wannan yarinya zaai auren ta gani, lamarinda acewar kanwar babar Aminu Ango marigayi tun daga ranar da aka daura Auren ya shiga dakin Amaryar tasa bai kara samun lafiya ba, saboda tsananin ciwan ciki.

Tace babban abun dake basu tsoro shine  ciwan ciki daya dinga turnuke Aminu inda daga bisani sai aman guntattakin likkafani, naman kawunan tsuntsaye harma da Hakora da dan kunne, wanda a haka dai harta kaiga ranar daya koma ga Allah ta kasance dashi, watanni tara bayan Daura masa Aure.

Ga dai karin bayani daga wakilin filin IDAN MIKIYA Abdurrahman yusuf Dunbulun da yayi tattaki har kauyen na Urami dake karamar Hukumar Bakori a jihar ta katsina, inda ya nemi tattaunawa da Mahaifiyar marigayi Aminu, sai dai kasancewar tana cikin rudanin mutuwa bata iya cewa komai ba, sai dai ga abunda kanwar babar tasa wadda kuma duk abun daya faru, a idanuwansu ne ta bayyana masa.

Babban fatan mu dai Allah kaji kan wannan Ango, mu kuma ka karemu daga shaidanun mutane ameen  .