Kotu ta samu Maryam Sanda da laifin ‘kashe mijinta’

13

Kotu ta samu Maryam Sanda da laifin ‘kashe mijinta’

Wata babbar kotu a Abuja ta samu Maryam Sanda da laifin ‘kashe mijinta’.

Sashin Hausa na BBC ya rawaito a yau Litinin ne dai kotun ta yanke hukunci a kan shari’ar Maryam Sanda, matar da ake zargi da kashe mijinta Bilyaminu Bello a 2017.

Da farko dai Maryam ta musanta zargin inda ta ce zamewa mijin nata ya yi inda ya fadi a kan kuttun shisha wanda ya yi ajalinsa.

An gurfanar da ita a gaban kotu tare da dan uwanta da mahaifiyarta da ‘yar aikinta da ake zargi da lalata shedun da ke nuna ta aikata laifin da ake zargin ta a kai.

Bayan sauraron bangarorin da ke shari’ar a ranar 25 ga watan Nuwamban 2019, alkali Yusuf Halilu ya sanya ranar 27 ga watan Janairun 2020 a matsayin ranar yanke hukunci.

Comments
Loading...