Gwamnatin tarayya ta sanar da haramta kungiyar tsaro ta Amotekun, da wasu jihohin shiyyar kudu suka samar.

Kafa rundunr tsaron ya janyo ce-ce-ku-ce inda wasu ke ganin za ta iya zama barazana ga kasar a nan gaba.

Mai taimaka wa Ministan Shari’ar kasar nan a fannin yada labarai Dakta Umar Jibrilu Gwandu ya shaida wa manema labarai cewa batun samar da tsaro da makami hakki ne da ya rataya kan gwamnatin Tarayya kadai.

Ya jaddada cewa kirkirar kungiyar wani laifi ne da ya sabawa doka, domin an yi tanadin jami’an tsaron soji da na ‘yan sanda da na ruwa da kuma sojin sama, wadanda su ne ke da alhakin tabbatar da tsaro a dukkanin sassan Najeriya.

Make Comment

Comment